Appointment enggau lutor gigi ba Heriot Watt University

Sari tu, kami sabilik bisi appointment enggau lutor gigi ba Riccarton Dental Practice di Heriot Watt University jam 10.30 pagi. 

Nyadi kami sabilik nepan bas Lothian No.45 ari Juniper Green nuju universiti. Pama diri ga pengelama sahari tu laban aku seduai Apai Laja lalu bisi terkena ngambi x-ray gigi baru. Keno ko lutor gigi ka ngecheck kami sabilik sahari tu sida ia perlu ngambi x-ray gigi beberapa taun sekali. Enti baka kes kami pelaba aku sida perlu ngambi x-ray gigi sekurang-kurang ia 3 taun sekali. Tujuan ngambi x-ray baru laban ka meda sama ada gigi kitai bisi jai. Nadai lama amai ga ia ngadu ka, sebedau kami menyanak pulai result x-ray udah pansut. Enti petati ka negatif x-ray ka dipeda enda besai bisi mesai tapak jari kitai gambar ia ka dipantai. Biasa sesi meresa gigi siko-siko pesakit bisi ngambi masa 20 - 30 minit kini laban ka ia meresa gigi enggau gusi udah nya nyuchi ia sekali. Semua tu diatur 6 bulan sekali. Reti ia 2 kali setaun mehnya enti nadai masalah besai enggau gigi. Laja seduai Buja sekejap aja meresa. Nadai sampai 10 minit siko. Pulai ka Malaysia ila diterus ka aja meh rutin tu nya udah ngasai meresa gigi ditu.


Pulai ari klinik gigi kami 3 : Laja, Buja & aku terus makai tengahari ba kampus Universiti Heriot Watt sementara nganti apai sida ia ngadu pengawa ia sekejap ba kampus. Tembu nya kami tiga raun sekejap ngagai tasik varsiti. Gambar baruh tu meh tasik endur kami 3 masau jam nunggu apai ia tembu ngerja pengawa ia ba opis.

Tu jelu ka ngembuan tasik tu. Bala sida itik enggau burung sea gull pan bisi dipeda ba tasik tu.

Udah tembu apai ia kami sabilik mupok ngagai kolam renang awam ba Dalry nepan bas Lothian No.25 ari kampus. Datai ba Dalry bisi dalam jam 1.30 tengah hari. Kali tu pakej family yang sama dicas sida ia 5 GBP pulak. Maioh diri ga otang ba kolam renang kali tu. Kami tembu main ai jam 2 lebih tengah hari lalu teru ngagai ASDA Chesser ngepos surat lalu ngetu merarau ba McD dalam ASDA Chesser shopping mall. Tembu baru mulai ka diri nepan bas Lothian baru ka No. 44.

Naka ka pengelelak sari tu. Berat amai mata jam pulai. So naka tu meh randau aku kali tu...Ila becerita baru...ho..ho..mupok aku!