WINTER 2010

Naka musim chelap kali tu...naka pemadu chelap. Kali tu snow tumu labuh ninggang tanah kena ka 26hb November, 2010. Ngelama tu snow biasa ia turun laun mimit ianya ujung taun tauka pun taun. Kebuah turun tumu laban ka fenomena La Nina keno ko brita. Baruh tu gambar diambi ba Juniper Green Village, Edinburgh, Scotland maya Winter 2010.

Ukuran ngena pembaris 30 cm. Bacaan penebal salji ka udah turun ari 26.11.2010 - 29.11.2010 ianya 25 cm.

 Keempat-empat gambar di atas siambi ari tisi rumah aja.

So...saritu Laja bisi turun ke sekula. Minggu lepas semua sekula ba Edinburgh kena tutp ketegal cuaca extreme. Saritu dibuka seperti biasa. Tang pagi tu, salji tuerun baru nadai berenti-renti sampai jam 4 lemai. Pagi tu mega, Buja bisi appointment enggau GP pkl 9.30 am. Terpaksa nukar jam appointment ngagi pkl 10 am laban bas Lothian 45 ka dianti datai kelalu laun. Enda chukup tudah, Buja empu appointment kena reschedule baru olih bala GP laban ka vaksin ka dikena sida untuk jab Buja udah outdated terpaksa nganti supply baru. So kira batal meh jab sarinya. Nganti sida call baru ngaga appointment baru. Endang nadai nasib amai saritu asai ia.

Bas 45 ka dianti untuk pulai pan out service. Aku enda nemu mayanya. Meda bas 45 lama amai nadai sampai, runding ka nepan bas bukai dulu lalu sambung ngena bas 44 untuk pulai laban Buja sepatut ia bisi nursery kelas jam 12: 45 pm. Datai ba Dalry, bisi betemu enggau indu tuai siko ka nganti bas 44 pulai ka Juniper Green. Benong kami nganti bisi igat orang putih ka mansa kami madah sema kami ka nganti bas 44 nadai bisi service ko ia laban jalai ditutup nunda ka dalam radio. Terpaksa kami duai Buja enggau indai tuai nya tadi bejalai mimit ngagai bas stand sigi ka ngipa taxi keno tang siti taxi nadai meh mansa. Nyadi tudah ibu nya madah enti ka bejalai mimit ngambi bas 3 ka nuju Westside Plaza ko ia. meda bisi ga bas 44 mansa tang semua nuju Longstone depot Bus Lothian. Meda jam nyau dampih aku setuju aja nepan bas ngagai Westside Plaza. Benong dalam bas sempat talipon sekula nanya sama ada nursery pm bisi buka ka nadai. Nasib sida Buja nursery nadai buka maya nya. Nursery am buka ga pagi tadi. Pelaba aku laban snow ka turun nadai berenti. Nyadi nembiak primary olih diambi tumu olih apai indai ko staff sekula madah.

So datai ba Westside Plaza, kami lalu berengkah bejalai ngerembang snow ka tebal ba pejalai kaki. Terpaksa negah jalai raya ka udah disungkur snow olih pekerja kunsil. Pejalai kami tiga amat jauh asai ia. Bisi kini sejam kini pejalai. Laban berunding ka datai dirumah enda berasai ga bejalai jauh. datai ba Juniper Green Primary School terus ngambi Laja pulai. Jam mayanya udah pukul 2 pm. Kami datai ba Westside Plaza bisi dalam pukul 12.30 pm.

Nya asai bejalai ba snow ngeraya nya. Enda nemu ila bisi sekula ka enda sida Laja. Terpaksa check ba internet ka nemu berita /updated info. Sama ada ba ngena twitter tauka kunsil empu laman web. Apai Laja naka aku blogging tu agi tersangkut ba Shadwick Place laban semua bus lothian off service magang termasuk bas first.