Cuti Sekula Seminggu ba Scotland

Minta ampun lama amai nadai blogging. Ukai nama, nyau kelalu pedis ati asai maya ka upload gambar ngagai blog ketegal upload speed broadband kami sebilik tiba-tiba aja labuh. Diatu nyau baik agi, bisi niki. Nyadi, minggu tu bala sida Laja & Buja  benong cuti seminggu asai ka mid term. Cuti enda cuti ila nyau dampih ujung bulan 12 tu ila meh bala sida ia. Nyadi Laja kami udah ga masuk Primary One lalu Buja masuk Nursery. Amat ko orang lain orang lain ka pengelandik ia. Laja baru ia meh start belajar macha. Nyadi ba ditu sistem belajar ia Apai Indai enggai enda enggau nyaup bala cikgu ngajar anak ba rumah. Nama kerja rumah ka bisi diberi apai indai mesti meri perhatian nyaup sida ia belajar. Ukai maksud aku, enti bisi kerja rumah nulis kitai nyaup nulis. Ukai pia ia, ni ka kerja nulis sida ia kitai nyaup ngemetul ka kerja sida ia. Masti ka kerja rumah sida ia siap jam ka dianjung next day. Biasa nyaup sida ia belajar pronunciation. Nemu aja kitai ba Malaysia nadai diajar cara pronunciation maya primary ka dikeingat aku. Enda nemu diatu pia ia. Bahasa Melayu bisi kita diajar cara macha. Bahasa  Mandarin suba pun bisi ngajar cara pronunciation. Nya maioh pelaba aku bala cikgu Bahasa Inggeris bisi meri pronunciation ka enda sama enti kitai berati ka. Contoh "Castle". Bisi pronounce "Ka" bisi nyebut "kay".
Ditu diajar nulis serta pronounce " s, n, a, t, i, p" siap enggau action ko orang peringkat pertama.
Aku minta ampun dulu laban bahasa Iban aku pun ukai tentu betul ejar. Laban main school aku maya primary suba sekula Cina. Nemu-nemu aja meh, nadai belajar Bahasa Iban. Masuk Secondary ba menoa domain bahasa Melayu Limbang, nadai meh belajar Bahasa Iban laban nadai subjek Bahasa Iban. So aku mula macha bup Iban ba library Universiti, nya pun bup cherita kelia munya. Nadai agi diterbit ka orang diatu. Pelaba aku chara spelling pun nyau udah berubah. Patut ba penemu aku, bahasa Iban tau diajar ba semua sekula Sarawak ka majoriti Iban. Sayau penemu telesap pia aja. Enti nunda randau aku enggau cikgu Iban siko suba, nadai maioh cikgu ngajar Bahasa Iban lalu temu aja lah bisi ka enda buku teks. Enti baka suba asai ka nadai buku teks bala nembiak. Pedis pala berunding enti ngenang nasib bala iban.

Eh...lari topik. Ukai nama cuti seminggu tu tak nadai bejalai kami menyanak laban ka musim daun luruh tu chelap amai menoa Scotland tu. Enda tan ba luar lama-lama. Enti nyembi gari bisi asai pedis ujung jari asai ka digigit laban kelalu chelap taja mua ari panas. Tambah agi kami menyanak rengga magang. Berinsak-insak tudah Buja. Indai ia enda iboh kira, idung sumbat aja-aja musim tu. Laja batuk embal ka penyelap menoa tu. Naka asai enti pulai ka Malaysia, panas enda meh tan ila.