Mai bala anak bejalai maia ujong minggu

Hari enam tu tadi, meda gaya hari ka manah kami menyanak mupok bejalai ngagai Juniper Green Park ba dampih rumah. Meda ka mansa sekula tadika anak aku, apai ia ka ngambi gambar ba dia meda ka ujong taun tu ila sida Laja ka mindah sekula ka baru digaga enda jauh ari sekula lama. Dia semua nembiak primary ka dikumpul begulai.


Udah begambar ba dampih sekula kami mupok bejalai ngena jalai ka jauh agi mansa rumah kaling Laja, Alex sebedau datai ba Juniper Green Park. Datai kami dia, meda padang benong dikena orang main soccer. Dua buah padang dikena orang. Orang ka ngena padang nembiak primary. Group laki semua enggau group campur ba sigi padang bepekit main ball.



Pengujong sekali baru datai ba playground.

A thought

Lama nadai blogging laban ka pengawa ka selalu di adu ka aku sebaka aja tiap hari. Diatu bala anak udu amat dani tumu, kadang-kdang jam 6 am udah ngenani ka diri seduai ia. Mua hari agi petang jam tu. Tambah agi bulan tu maia tampak enda lama. Mata panas enti dipeda nyau ka jam 9 pg. Mua petang mula jam 4 pm. Jam nganjung Laja baka selama. Sebedau jam 12.25 pm nganjung ia ka nursery. Jam sebedau 3 pm ngambi ia pulai.  Biasa dalam 5 minit umbas jam enggau bejalai ngambi ia. Aku enggai pansut kelalu tumu laban hari menoa tu kelalu chelap. Enda tan enti nganti ba luar lalu mai Buja agi. Tu meh pengawa dikerja aku berari kelimpah nyumai serta ngintu rumah.